غربه - محمد أبو حسين

 (غربه)

ياغربه فيك العجب فيكي النفوس الوان

 

فيكي اللي خالوا الأدب وفيكي الأصيل ينهان

 

فيكي استخبي الديب وعاملي قال إنسان 

واللي ضمير يغيب يمشي مع الكسبان

 

يا غربه جمعت ناس في صحيفة مرميه

فيها ضمير ينداس ونفوس مصديه

والحلو فيها قليل وأحد ومش ميه

يغربه اسمك لعين وحروف تتفسر

الغين دي غدر سنين جايه بتتمختر

والراء رحيل ولمين دا لكل شئ اخضر 

والباء بكاء وأنين وشكوي لك يازمان

والتاء تايهين في بلاد غريبه 

عايشين مع الاحزان

ياغربه ليه غربتك قتلت أمانينا

ختينا ليه في غربتك تتحكمي فينا

مااحنا خلاص لعبتك وأحنا إللي غنينا

غنوه مع النسيان واللحن زي العمر

ياغربه فيك العجب فيكي النفوس ألوان 

الشاعر /محمد أبو حسين