نور الشّمس _ حسن الشوان

  نور الشمس 

عايش فى قلق وحيره

لا عارف أفكر ولا أكتب حرف 

عمري ما عشت ف غيرة 

ولا مدييت إيدى عايز عطف

أنا برىء من أي تكهنات 

مش عايز نظرة شفقه 

ولا رأفه بأي اللغات 

ولا عايش على صدقه 

ولا قلت لحد مره هات 

ولا ندمت على الذكريات 

ولا وجعتنى مره الاهات

ولا مشاعرى كانت سرقه 

اللى فى قلبى على لسانى

معرفش أخبى الحقائق 

قلمى بيكتب كل المعانى 

ولكل معنى سلك شائك 

الحقيقه عيونها جريئة 

متقولوش عليها  دنيئه

بتكشف واقع  كل بيئه 

بالأصول البريئه والمعانى 

أنا حيرتى فى نور الشمس 

اللى كل الناس شايفاه

ليه القمر أجمل من الشمس 

اللى عمرها ماراحت ومجتش

طول عمرها بتنور كل عش

وعمرها ما غابت فى الحياة

 د/ حسن الشوان