أنا والحظ _ عاصم بكر علي منصور
أنا والحظ
نفسي طول عمري انا و الحظ نبقي صحاب
طول عمرك معيشني في امل والآخر يطلع كداب
ليه بس دانا وانت اللي عشنا العمر اغلي احباب
مستكتر عليه الفرح ليه بس يحلي ليك العذاب
يا عم إنساني بقي شويه والاحسن نكون اغراب
ورتني مسميات ملهاش معني في اللغه ولااعراب
طب ياحظ راجع نفسك وخليني في أول الكتاب
يمكن انسي الماضي ليه نفتح بينا كشف حساب
مستني تضحكلي و ساعتها ما يبقاش بينا عتاب
نفسي افرح و اسقيك بايدي شراب عصير عناب
بس بتيجي لحد عندي و ترجع من على الاعتاب
طيب خايف تدخل ليه قولي اوحتي ابعت جواب
ايه ياحظ حكايتك معايه وانا يفتح لك ألف باب
خليك في جنب ياحظ وانا ليه رب اسمه الوهاب
مطلع علي كل احلامنا ندعوه بالحق وهو رقيب
خليك فاكر يا حظ عمرك ماكنت في يوم حبيب
يا ريتك تبتسملي با لخير بقي و تبقي دوا وطبيب
كفايه كده تفرح العوازل والمر لحد عندي تجيب
نفسي مره تيجي تدوق علي بابي الفرح ليه تسيب
افتكرني ولو بس مره وتيجي صاحب مش غريب
شاطر تيجي لحد عندي و ترجع من جديد تغيب
نفسي الحظ يضحكلي والجرح يرجع تاني يطيب
بتطل من شباك لمحه وترد سريع من على الابواب
تعالي وصالحني حبايب ولاياما شايلي في الجراب
قصيدة ((اناوالحظ))
كلمات الاديب عاصم بكرعلي منصور
اضف تعليقاً عبر:
الابتسامات