ريقي بيحلى _ حليم محمود أبو العيلة
ريقي بيحلىٰ
كُل ما اجيب ف سيرتِك
ريـقـي بيـحلىٰ ويِـسـكّر
والعـقل يـهاجـر ويـروح
وتملي ف عيونِك يسْكَر
دخلتـي قلبـي وملكتـيه
ويقفل عليكِ بابه ويْسَكْر
ومفيش ف دنيتي غيرِك
ربـي يبارك فيـكِ ويكتر
سـاعة م عـنينا تشـوفِك
انا قلـبي ينبـت ويـزهـر
و الدنـيا بتحلو ف عيـني
ووجهِك ف الضلمة يـنـور
بلـف الدنيـا وبرجـع لِـك
والله مـن حُسـنِك بتحير
وسكـنتِ حشايا وخيالي
وبيتِك ف الجانب الأيسر
افطر واسحر ف هواكي
نظراتِك ف الصوم بتفطر
واسأليني بحبـك أد أيه
والله هجاوب ولا افـكر
ولو نصيبي معاك اتأجل
دوغري للأخرة انا هصبر
لو كان الصبر مـراره مرار
فِ لساني احلى من السكر
ولو بـنات العـالـم حواليا
والله ف حُبِك م اتغيـر
كلماتي:
الشاعر: حليم محمود أبوالعيلة
اضف تعليقاً عبر:
الابتسامات