ضاع ولاء الأسرة _ عزة ناصف

 ضاع ولاء الأسرة 

وأصبحت الشقَّة أغلى مِن الخِلفَة

والأزوْاج في المحاكم مين يملك الشَقة 

ويَتلصَّصوا على بعض على الغلطة

ومحدش طايِق مِن حد كِلمة

إخص على دي عِشرَة

فين عهدُكم على الحلوْة والمُرة 

والصبر والحكمة على الحياة الصعبة

اتركوا الجوال والصُحبة إللي ملهاش لازمة 

واجعلوا أولادكم بيْن المُقلة

قبل ما يْتُوهوا في الزَّحمة

وكرسُوا أوْقاتَكم  لتبادل الرحمة 

وانسوا مطامِعكم وارضوا بالقسمة

وتبادلوا الحنان والقُبلة

فإنها دواء للروح وأغلى مِن أى وصفة

وتَغافلوا الأخطاء وخَلُوا بينكم صفا ومودة

واحذروا من الوْسوْسة إللي تِخرب الأُسرة 

وكونوا ستر لبعض دي بينكم عِشرة وخِلفة

دي الحياة صعبة ومِحتاجة رِضا وتقوى

وخُدي أمك رمز للصبر والحكمة

بقلمي عزةناصف