في حضرة المساء والقهوة _ عبد الكريم الكوكي
مع هدوء الكون وفي غبشة الليل
ترتاح في كفي دلال المحبة
فنجان قهوة يشبه العمر بالحيل
مر المذاق وفيه سر المودة
يا طيفهم لو زرتني في تفاصيل
هذا المساء اللي كسا الكون رعبة
أشعلت شموع الصبر والبال تمثيل
وأرسم خيالك في زوايا المحبة
قهوتي سمرا وفي لونها ليل
يخفي ورا سود الليالي أحبة
في كل رشفة شوق والدمع هميل
وعلى جدار الروح ذكرى مهبة
جيتك يالمساء شايل هموم ومواويل
وفي داخلي من لوع الوقت غربه
أنا والقهوة والقصايد تعاليل
نكتب حنين القلب في كل جذبة
يا دلة الشوق رشي من الهيل
عطرٍ يداوي في فؤادي محبة
ترى المساء لا زاد بالوصل والليل
يبري جروح القلب لو هي معطبة
سقيت جرحي بالصبر والمداهيل
ولقيت فنجاني هو اللي يحبه
أشرب مرار الوقت وأقول يا حيل
الله يعين اللي فقد شخص حبه
سلام يا ريح المساء والتباديل
وسلام يا فنجال جرحت قلبه
ببقى على وعد الوفاء والمواصيل
لو كان مر الوقت والبعد كربة
... عبد الكريم الكوكي..
اضف تعليقاً عبر:
الابتسامات